आयुष्य




 ||आयुष्य||



     कोण ऐक म्हणत कोण कान बंद कर म्हणत

     कोण बघ म्हणत कोण डोळे बंद कर म्हणत

       कोण बोल म्हणत कोण गप्प बस म्हणत

            खरंच जगणं खूप अवघड असत 

                कारण ते आयुष्य असतं...!



            कोण हस म्हणतं कोण रड म्हणतं

        कोण चांगलं म्हणतं कोण वाईट म्हणतं

           कोण नावजतं तर कोण नाव ठेवतं

            खरंच जगणं खूप अवघड असत 

                कारण ते आयुष्य असतं...!



         कोण वाच म्हणतं कोण लिह म्हणतं

        कोण शिक म्हणतं कोण कमव म्हणतं

         कोण पुढे ढकलतं कोण मागे ओढतं

           खरंच जगणं खूप अवघड असत 

               कारण ते आयुष्य असतं...!



         कोण कष्ट करतं कोण ऐतखाऊ असतं

  कोण आनंद घेत असतं कोण दुःख भोगत असतं

  असचं आयुष्य ऊन पावसाचे खेळ खेळत असतं

             खरंच जगणं खूप अवघड असत 

                 कारण ते आयुष्य असतं...!


- मिजेबा फरद्दीन जमादार

Post a Comment

0 Comments